Хүний мэдээлэл¶

Gerege таны системд хүнийг хэзээ ч нэрээр нь танилцуулахгүй. Та хүнийг нэрээ нууцалсан id-аар л танина; хүн өөрөө зөвшөөрсөн зүйлийг л (mini app-д) авна.

1. Хүнийг юугаар таних¶

	Mini app (`app`)	Худалдагч (`qr`, `redirect`, `terminal`)
Id	`sub` = `user_ref` = `u_` + 32 hex	`user_ref` = `u_` + 32 hex
Хэрхэн үүсэх	HMAC(апп-ын давс, хүний id) — таны апп-д тогтмол, апп хооронд холбогдохгүй (pairwise)	Төлбөр бүрт шинэ санамсаргүй — claim бүрт (claim суларч өөр хүн авбал ч шинэ)
Хэзээ	нээлтээс (token-ий `user`)	claim хүртэл `null`, дараа нь intent ба webhook-д
Яагаад	хүн таны апп-ыг нээж, зөвшөөрөл өгсөн	хүн танд зөвшөөрөл өгөөгүй: машин нэг худалдан авагчийн худалдан авалтуудыг холбож чадвал танилцаагүй хүнийг мөрдөж буй хэрэг

Худалдагч тогтмол худалдан авагчаа таних шаардлагатай бол (гишүүнчлэл, оноо) өөрийн нэвтрэлтээр, хүний өөрийн зөвшөөрлөөр шийднэ — Gerege-ийн user_ref-ээр биш.

2. Юу хэзээ ч ирэхгүй¶

Хүний нэр, регистрийн дугаар, төрсөн огноо, нас (зөвхөн min_age-ийн шийдвэр хэрэгжинэ — 403 age_restricted).
Данс, дансны дугаар, үлдэгдэл, банк.
Утасны дугаар — mini app profile.phone scope-оор, хүн зөвшөөрсөн бөгөөд SMS-ээр баталгаажуулсан үед л (E.164). Худалдагчид хэзээ ч.
Имэйл — mini app profile.email scope-оор, хүн зөвшөөрсөн үед л. Худалдагчид хэзээ ч.
Платформын дотоод хэрэглэгчийн id.
Нийтийн /pay харагдацад: тайлбар, reference, metadata, хэн claim хийсэн — юу ч (зөвхөн claimed: true|false).

Нэр (given_name) — «удахгүй»; ирсэн ч хүний зөвшөөрлөөр л.

3. Хүнд юу харагдах¶

Талбар	Төлөх цонхонд	Мэдэгдэлд	Нийтийн `/pay`-д
Апп-ын нэр, icon (бүртгэл, review)	✓	✓	✓
Терминалын `label`, `location`; дэд худалдагчийн `display_name`	✓ (Face ID-аас өмнө)	—	терминал ✓
Дүн	✓	✓	✓
`description` (таных, 1–80)	✓	хэзээ ч	—
`reference`, `metadata`	—	—	—

description бол захиалгын товч («Захиалга №1001»), бүтээгдэхүүний ангилал биш: тамхи, согтууруулах ундааны нэр бичихгүй. Апп-ын бичсэн текст платформын гарчгийн доор гарвал фишингийн суваг болно — тиймээс мэдэгдэлд зөвхөн дүн ба апп-ын батлагдсан нэр.

4. Таны үүрэг¶

user_ref, intent, webhook-ийн өгөгдлийг таны өөрийн хувийн мэдээллийн бодлогын дагуу хадгална (бүртгэлд privacy_url заавал, 200 хариулах).
Хүний өөрөө танд өгсөн мэдээлэл (хүргэлтийн хаяг, утас) — таны хариуцлага; Gerege-ийн id-тай холбож хадгалах эсэхээ бодлогодоо тусгана.
Хүн mini app-аа салгавал (consent.revoked) тэр user_ref-ийн session-ийг хаана.
Насны хязгаартай бараа: intent-ийн min_age (13–21) — Gerege нас шалгаж шийднэ, нас, регистр танд ирэхгүй. Машин дээрх өөрийн шалгалт (жишээ нь eID QR) таны хариуцлага хэвээр.